網紅的藏寶箱禽日係我今年書展活動嘅last一日，臨完前成班妹豬少男工作人員主動同我合照，有啲意外，都好，藉此感受一下青年人氣息。
Skip咗上年，數數手指原來今年啱啱足十年喺書展搞簽名活動，多謝明報出版社每年提供空間及檔期陪我癲，等我可以見證每一位嚟搵我讀者嘅成長，包括小朋友變成大人、一個人嚟變帶埋另一半嚟、男女朋友變夫妻甚至有埋小朋友、病緊都繼續嚟排隊、失去至親、即將移民等等嘅讀者們，感謝同我分享你哋嘅喜怒哀樂，感覺一切嚟得好神奇，書展期間最多人同我講嘅說話係辛苦你喇畫咁耐，其實唔辛苦㗎，因為呢樣係我鍾意做嘅嘢嚟~
今年改用派籌形式有少少混亂，以後我會同出版社好好溝通再安排好啲，希望有咩得罪嘅唔好見怪。
叔叔愛你。
#書展2021
#明報出版社
Search